Pictuirí anseo. 

Mean Fómhair 1998
An Tóstal - Ráth Chairn,  Co. Na Mí

60 daltaí i láthair, ag teacht le chéile chun ceiliúradh a dhéanamh ar na cairde is na gaol a rinneadh i rith na bliana i 1998.

Mí Mean Fómhar 2007
An Tóstal - IT Bhaile Átha Luain

 
Mí Feabhra 2008
Slógadh Spleodair - Ráth Chairn, Co. na Mí

Lá breá álainn a bhí i gceist. Bhí an ghrian go hard sa spéir, Carmel agus Máirtín ar a mbealach sa charr (Máirtín ag tabhairt na dtreoracha mí-chearta do Carmel ar ndóigh!), gach duine eile ar a mbealach ó gach cúinne den tír sna busanna. Bhí fonn spraíúil, stairiúil san aer.                                                                      

Shroicheamar Ráth Chairn thart ar a haon a chlog tráthnóna. Bhuaileamar le chéile sa halla, chuireamar aithne ar a céile agus thug Carmel an clár ama amach dúinn. Ar aghaidh linn!

Chuaigh Club Longfoirt, Club Liatroma agus Club an Chabháin ag imirt Seachain na Liathróidí – buachaillí in aghaidh na gcailíní. Bhuaigh na cailíní ach bhí neart liathróidí i bhfolach acu le caitheamh amach nuair nach raibh na buachaillí réidh! (Ehem… a Chailíní ó Longfort!!) Ba mhinic an rud ar an lá é Maoilsheachlainn (leis an ngiotár) ag siúl thart an chlóis le seisear cailíní á leanúint ag screadach "AN MUILEANN gCEARR, AN MUILEANN gCEARR, AN MUILEANN gCEARR!". is léir gur thaitin é sin go mór leis na cailíní, chomh maith leis an gcabhair ón Uasal Aogán Mac Conmara!

Ba rud iontach na clubanna ar fad a fheiceáil scaipthe thart an halla in aice a mbrat féin is comórtas amhránaíochta ar súil eatarthu. Gan amhras bhí an braft is fearr ag Club Bhaile Átha Cliath!! Dá mbeadh duais ar fáil don chlub is glóraí, is cinnte go mbeadh an bua ag Club an Mhuilinn Chearr, cé nach raibh ann ach seisear cailíní!

Ba é cluiche na mbalún an cluiche is spraíúil riamh a chonaic mé! Ní gá ach féachaint ar an bhfíseán leis an spraoi a bhí i gceist a fheiceáil – is fiú má bhí cúpla buachaillí ina bhfolach (eh…. A Shéamuis agus a Phóil, Club na Gaillimhe) nuair a bhí na balún ag pleascadh. Físean Anseo.

Tógadh sos beag le Tráth na gCeist. Bhí deich mbabhta ann, babhta pictiúr agus babhta ceoil san áireamh. Tháinig Club Bhaile Átha Cliath sa dara háit ach ar deireadh ní raibh ach buaiteoir amháin ann, Club an Mhuilinn Chearr. Ar ndóigh, bhí ar gach duine éisteacht lena n-iolach ar feadh tamall fada "AN MUILEANN gCEARR, AN MUILEANN gCEARR, AN MUILEANN gCEARR!" Ní dhearna an giotár a bhí ag Maoilsheachlainn aon mhaitheas don scéal!

Ag a ceathair a chlog cuireadh tús le cleachtadh don Amhrán Club le hAogán mar fhear an tí. Is léir go raibh gach duine neirbhíseach faoi (na feighlithe san áireamh – bhí fadhb bheag de chritheagla stáitse ar Mháirtín agus Liam leis na geáitsí IONTACHA a bhí ag Club na Gaillimhe.) Ag a 4 a chlog bhí na moltóirí réidh - Carmel, Aogán agus Póla. Is léir go raibh an-iarracht déanta ag cách. Is gá a rá go raibh an bua tuillte ag Club Bhaile Átha Cliath (Justin Timberlake "Aitníonn Ciaróg Ciaróg Eile") le Flann agus Rob ar an ngiotár. Scríobh Clubanna Longfoirt agus Liatroma amhráin ‘The Saw Docotors’, an-réchúiseach ar fad. Bhí amhrán Club na Gaillimhe tiomnaithe do Charmel ("Oh Carmel le do thoil, Táimid ag iarraidh Carmel"). Amhrán na Saw Doctors a bhí gceist freisin agus ba léir go raibh an–ghrá ag Séamus Óg do Charmel nuair a rith se ón ardán chun barróg a thabhairt di. Fair plé a mhaicín! Chun an fhírinne a rá bhí eagla orm fós roimh Club an Chabháin nuair a chonaiceamar ar an ardán iad. Nílim ró-chinnte go díreach cén t-amhrán a bhí acu ach is léir do gach duine go raibh an–ghrá acu do Natalie! An-ghrámhar a leaids. Tháinig Club Loch Garman sa dara háit le hamhrán álainn ar fad ("Le chéile, Le chéile, le chéile gach duine")[Anseo]. Ó thaobh Club an Mhuilinn Chearr rinneadh amhrán beomhar ar fad ó Joe Dolan ("O an Muileann gCearr, tá tú go breá, is aoibhinn linne thú"). Nuair a chuireadh ceist ar na cailíní "Cé leis a bhfuil sibh i ngrá?", an freagra ná "Maoilsheachlainn!! … Oh agus Joe Dolan!"

Bhí Maoilsheachlainn (le hata álainn air) agus an tUasal Rob Lumsden mar fhir tí ag an gcéilí. Ba rud iontach le feiceáil iad na hiarscoláirí ag taispeáint na rincí do na daltaí nua nach raibh i Spleodar cheana.